ଇଷ୍ଟର୍ଣ୍ଣ ପ୍ରେସ ଏଜେନ୍ସି ( ଇ ପି ଏ ) ସମ୍ପାଦକ ଅନିଲ ମିଶ୍ର ଙ୍କ ବିୟୋଗ ରେ ସାମ୍ବାଦିକ ମହଲ ରେ ଶୋକ

ସୁବର୍ଣ୍ଣପୁର: ଏକ ସଚ୍ଚୋଟ କର୍ମଠ, ବିଦ୍ୱାନ, ନିର୍ଭିକ , ସ୍ପଷ୍ଟବାଦୀ ସମ୍ବାଦ ଓ ଫଟୋ ସରବରାହ ସଂସ୍ଥା ଇଷ୍ଟର୍ଣ୍ଣ ପ୍ରେସ ଏଜେନ୍ସି ( ଇ ପି ଏ ) ଓ ଇ ପି ଏ ଉଇକ୍ଲି ର ସମ୍ପାଦକ ଅନିଲ ମିଶ୍ର ଆଉ ଆମ ଗହଣରେ ନାହାନ୍ତି। ଗତ ମଙ୍ଗଳବାର ରାତି ୧୦.୫୬ ମିନିଟ ସମୟରେ ଭୁବନେଶ୍ବର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ସେ ପରଲୋକ ଗମନ କରିଛନ୍ତି l ଏ ନେଇ ବରଗଡ଼ ଜିଲ୍ଲା ପଦ୍ମପୁର ଅଞ୍ଚଳର ବରିଷ୍ଠ ସାମ୍ବାଦିକ ନିରଞ୍ଜନ ତ୍ରିପାଠୀ, ସୁବର୍ଣ୍ଣପୁର ଜିଲ୍ଲା ପ୍ରତିନିଧି ଉଗ୍ରସେନ କର୍ମୀ,ନୂଆପଡ଼ା ଜିଲ୍ଲା ପ୍ରତିନିଧି ଡେନିସ ରାଏ, ବଲାଙ୍ଗିର ଜିଲ୍ଲା ପ୍ରତିନିଧି ନବୀନ ପଶାୟତ , ବେଲପାହାଡ଼ ପ୍ରତିନିଧି ରାଜାରାମ ମିଶ୍ର ପ୍ରମୁଖ ଏକ ଭର୍ଚୁଆଲ ମାଧ୍ୟମରେ ଯୋଗଦାନ ପୂର୍ବକ ସ୍ୱର୍ଗତ ମିଶ୍ରଙ୍କ ଅମର ଆତ୍ମାର ସତଗତି ନିମନ୍ତେ ୨ ମିନିଟ ନୀରବ ପ୍ରାର୍ଥନା କରିଥିଲେ । ଶ୍ରୀ ମିଶ୍ରଙ୍କ ଅକାଳ ବିୟୋଗରେ ଇପିଏ ପରିବାର ଏବେ ଏଭଳି ଏକ ବ୍ୟକ୍ତିତ୍ଵ କୁ ହରାଇଲା। ତାଙ୍କ ଲେଖନୀ ମୂନ ଶାଣିତ ହେତୁ ସରକାରଙ୍କ କୋପଦୃଷ୍ଟି ଇପିଏ ଉପରେ ପଡୁଥିଲା। ହେଲେ ସେ କାହାକଥାକୁ ଭୃକ୍ଷେପ ନକରି ଆଗକୁ ଆଗକୁ ମାଡି ଚାଲିଥିଲେ। ସେ ଭଳି ଜଣେ ଫଟୋ ସାମ୍ବାଦିକ ତଥା ପ୍ରିୟ ସମ୍ପାଦକଙ୍କୁ ହରାଇ ଓଡ଼ିଶାର ବିଭିନ୍ନ ଅଞ୍ଚଳରେ ଥିବା କାର୍ଯ୍ୟରତ ସାମ୍ବାଦିକ ମାନେ ଦୁଃଖ ରେ ଭାଙ୍ଗି ପଡିଛନ୍ତି l

ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର