ନୂତନ ବସ ଷ୍ଟାଣ୍ଡ ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିବାକୁ ଦାବି l
ସୁବର୍ଣ୍ଣପୁର — ସୁବର୍ଣ୍ଣପୁର ଜିଲ୍ଲା ସଦର ମହକୁମା ରେ ବସଷ୍ଟାଣ୍ଡ ନିର୍ମାଣ ପାଇଁ ଜମି ପୌର ପରଷଦ, ରାଜସ୍ବ ବିଭାଗ ଓ ଓଡ଼ିଶା ରାଜ୍ୟ ପରିବହନ ନିଗମ ଯୋଗାଇ ଦେଇ ନକ୍ସା ପ୍ରସ୍ତୁତି ସହ ନିର୍ମାଣ କାର୍ଯ୍ୟ OBCC ଦ୍ଵାରା ଆରମ୍ଭ ହେବା ପୂର୍ବରୁ ହଠାତ୍ କୌଣସି କାରଣ ରୁ ଏହି ନିର୍ମାଣ କାର୍ଯ୍ୟ ସ୍ଥଗିତ ରହିବା ଘଟଣା ଜନ ସାଧାରଣ ଙ୍କୁ ବ୍ୟଥିତ କରିଛି। ନୂତନ ବସ ଷ୍ଟାଣ୍ଡ ନିର୍ମାଣ କ୍ରିୟାନୁଷ୍ଠାନ କମିଟି ମୁଖ୍ୟମନ୍ତ୍ରୀ ଙ୍କୁ ଜିଲ୍ଲାପାଳ ଙ୍କ ଜରିଆ ରେ ଅବଗତ କରି ଏକ ଚରମ ପତ୍ର ମାଧ୍ୟମ ରେ ଜଣାଇଛନ୍ତି ଯେ ରାଜ୍ୟ ସରକାର କୌଣସି ବିକଳ୍ପ ଚିନ୍ତା ଦ୍ଵାରା ପ୍ରଭାବିତ ନ ହୋଇ ସୋନପୁର ପୁରୁଣା ବସଷ୍ଟାଣ୍ଡ ରେ ହିଁ ନୂତନ ବସଷ୍ଟାଣ୍ଡ ନିର୍ମାଣ କାର୍ଯ୍ୟ ତ୍ଵରାନ୍ବିତ କରିବା ପାଇଁ ଆଗାମୀ ୭ ଦିନ ମଧ୍ୟ ରେ ନିର୍ଦ୍ଦେଶ ନାମା ଜାରି କରନ୍ତୁ , ଅନ୍ୟଥା ସୋନପୁର ବାସୀଙ୍କ ଆବେଗ ଏକ ମିଳିତ ଗଣ ଆନ୍ଦୋଳନ ର ରୂପ ନେବ।
ଏହି ଦାବିକୁ ପ୍ରତିଫଳନ କରିବାକୁ ଆଜି ନୂତନ ବସଷ୍ଟାଣ୍ଡ ନିର୍ମାଣ ଦାବିରେ ନୂତନ ବସଷ୍ଟାଣ୍ଡ ନିର୍ମାଣ କ୍ରିୟାନୁଷ୍ଠାନ କମିଟି ଆବାହକ ଦୀପକ କୁମାର ମହାପାତ୍ର ଙ୍କ ନେତୃତ୍ୱରେ ସୋନପୁର ର ପ୍ରାୟ ୩୫ ଗୋଟି କ୍ଳବ୍ ର ସଂଘ ତଥା କ୍ଳବ୍ ର ସଦସ୍ୟ ଙ୍କୁ ନେଇ ସ୍ଥାନୀୟ ସୁରେଶ୍ଵରୀ ମନ୍ଦିର ପ୍ରାଙ୍ଗଣ ରୁ ବାହାରି ବସଷ୍ଟାଣ୍ଡ ଦେଇ ଜିଲ୍ଲାପାଳ ଙ୍କ କାର୍ଯ୍ୟଳୟ କୁ ଯାଇ ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ ଜିଲ୍ଲାପାଳ ଙ୍କୁ ଏକ ସ୍ମାରକୀ ପତ୍ର ଦେଇଥିଲେ। ଉକ୍ତ କମିଟି ର ଉପଦେଷ୍ଟା ଗୋବିନ୍ଦ ମହାରଣା, ସଂଯୋଜକ ଜନ୍ମେଜୟ ପାତ୍ର ଥିବା ବେଳେ ଏହି ରାଲି ରେ ସୋନପୁର ପୌର ପରିଷଦ ର ଅଧ୍ୟକ୍ଷା ତମସି ତାମସ୍ମିତା ନାୟକ, ପୌର ପରିଷଦ ଉପାଧ୍ୟକ୍ଷା ମଲ୍ଲିକା ଦାନି, ପୂର୍ବତନ ପୌରପରିଷଦ ର ଅଧ୍ୟକ୍ଷ ପ୍ରକାଶ ଚନ୍ଦ୍ର ସାହୁ, ପୂର୍ବତନ ମତ୍ସ୍ୟ ନିଗମ ଅଧ୍ୟକ୍ଷ ଅଭିମନ୍ୟୁ କୁଶଳ, ପୁରୁଷୋତ୍ତମ ପାଣିଗ୍ରାହୀ, ବିଜୟ କୁମାର ରାୟଗୁରୁ, ଚକ୍ରୟୁଧ ନାୟକ, ଶେଷ ଦେବ ମେହେର ଙ୍କ ସହଜିଲ୍ଲା ଟ୍ରକ୍ ମାଲିକ ସଂଘ ସଭାପତି ଭାସ୍କର ଦାଶ,ତ୍ରିଲୋଚନ ତରିଆ ପୂର୍ବତନ କାଉନସିଲର, ଜୟନାରାୟଣ ମେଣ୍ଡେଲି ସମ୍ପାଦକ ଜିଲ୍ଲା ସନ୍ତରଣାଗାର, ଗଙ୍ଗା ତରିଆ ୬ ନମ୍ୱର୍ କାଉନସିଲର, ରାଜ କିଶୋର ରାଓ କାଉନସିଲର ୭,ସୁନୀତା ନାୟକ କାଉନସିଲର ୧୧ନମ୍ୱର୍ ୱାର୍ଡ, ଇଜାଜ ମହମ୍ମଦ ଅଟୋ ସଂଘ,ପ୍ରଫୁଲ୍ଲ କୁମାର ନାୟକ ଉପ ସଭାପତି ପାଇଁରି, ସୁଧାଂଶୁ ଶେଖର ମିଶ୍ର ଏସ ଡି ସି ଏ, ମା ସୁରେଶ୍ୱରୀ ପୁଝାରୀ ସଂଘ ର ଅଚ୍ୟୁତ ପୁଝାରୀ, ଚନ୍ଦ୍ରମଣି କାଲସା ଜିଲ୍ଲା ଅଟୋ ଡ୍ରାଇଭର ସଂଘ ସଭାପତି, ପଟାଭାଡ଼ି ସୁଧୀର କୁମାର ପଣ୍ଡା, ବୁଢୀମା କ୍ଳବ୍ ରୁ ନାଗେଶୁ ରାଓ, ଆମ୍ବେଦକର କ୍ଳବ୍ ରୁ ନରେନ୍ଦ୍ର ସୁନା, ଅନ୍ତରାମ ଦୁର୍ଗାପୂଜା କମିଟି ରୁ ଭକ୍ତ ତରିଆ,ପ୍ରଗତି କ୍ଳବ୍ ସଭାପତି ହିମାଂଶୁ ଶେଖର ଗଡତିଆ, ଚନ୍ଦ୍ର ଶେଖର ପାଠାଗାର ସଦସ୍ୟ, ରାମଧୁନ କ୍ଳବ୍ ସଦସ୍ୟ, ଟିକିରିପଡ଼ା ର ସଦସ୍ୟ,ସଭାପତି ରୟାଲ ସ୍ପୋଟିଙ୍ଗ କ୍ଳବ୍ ଅରବିନ୍ଦ ବାରିକ,୮ ନମ୍ୱର୍ ୱାର୍ଡ କାଉନସିଲର ପୀୟୂଷ କୁମାରପଣ୍ଡା, ଟ୍ୟାକ୍ସି ଚାଳକ ସଂଘ ଟାଉନ୍ ସଂଘ ର ସୁବାସ ବିଶୋଇ, ବଲିଯାତ୍ରା କମିଟି ର ପ୍ରଫୁଲ୍ଲ ମେହେର ସମେତ ପ୍ରାୟ ୩୦ ଗୋଟି ସଂଘ ଏହି ଶୋଭାଯାତ୍ରା ରେ ସାମିଲ ଥିବା ଆବାହକ ଦୀପକ କୁମାର ମହାପାତ୍ର କହିଛନ୍ତି l
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
