ଗୁଳିମାଡରେ ପୁଲିସ କର୍ମଚାରୀ ଙ୍କ ସମେତ 2 ଜଣଙ୍କ ମୃତ୍ୟୁ, କାରଣ ଅସ୍ପଷ୍ଟ
l ସୁବର୍ଣ୍ଣପୁର — ପୁଲିସ ପିସ୍ତଲ ରୁ ଗୁଳି ଫୁଟି ଜଣେ ପୁଲିସ କର୍ମଚାରୀ ଙ୍କ ସମେତ 2 ଜଣଙ୍କ ମୃତ୍ୟୁ ହୋଇଛି l ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଭଣ୍ଡାର ଗ୍ରାମପଞ୍ଚାୟତ ର ଚୁଲିମାଲ ଗ୍ରାମରେ ଗତକାଲି ସନ୍ଧ୍ୟା ରେ ଏହି ଘଟଣା ଘଟିଛି l ମୃତ ବ୍ୟକ୍ତି ମାନେ ହେଲେ ମନୋଜ ଝାଙ୍କର (30) ଓ ଶେଷଦେବ ଝାଙ୍କର (28) l ସୁବର୍ଣ୍ଣପୁର ଜିଲ୍ଲା ପୁଲିସ ରେ ମନୋଜ କର୍ମଚାରୀ ଥିବା ଜଣାପଡିଛି l ସୋନପୁର ବିଧାୟକ ଙ୍କ ପିଏସଓ ମନୋଜ ଝାଙ୍କର ଓ ତାଙ୍କ କାକା ପୁଅ ଭାଇ ଶେଷଦେବ ଝାଙ୍କର ଙ୍କ ମୁଣ୍ଡରେ ଗୁଳିବାଜି ଉଭୟଙ୍କ ମୃତ୍ୟୁ ହୋଇଛି l ଘଟଣାସ୍ଥଳ ରେ ମନୋଜ ଙ୍କ ସର୍ଭିସ ପିସ୍ତଲ ଓ ଏକ ଅଫୁଟା ଗୁଳି ପଡ଼ିଥିବା ବେଳେ କେଉଁ ପରିସ୍ଥିତି ରେ ଗୁଳି ଫୁଟିଲା ଓ କିଏ କାହିଁକି ଗୁଳି ଫୁଟାଇଲା ତାହା ଜଣାପଡ଼ିନାହିଁ l
ଖବରପାଇ ବିନିକା ପୁଲିସ ଘଟଣାସ୍ଥଳ ଯାଇ ଉଭୟ ଙ୍କ ମୃତ ଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି l ସୁବର୍ଣ୍ଣପୁର ଏସପି ୟସ ପ୍ରତାପ ଶ୍ରୀମଲ ଘଟଣାସ୍ଥଳ କୁ ପହଂଚି ତଦନ୍ତ କରୁଥିବା ବେଳେ ରାତି ପ୍ରାୟ 9 ଟା ସମୟ ରେ ଉତ୍ତରାଞ୍ଚଳ ଆଇଜି ହିମାଂଶୁ ଲାଲ ବିନିକା ପହଂଚିଥିଲେ l ଅପରପକ୍ଷେ ଘଟଣା ବିଷୟ ରେ କେହି ମଧ୍ୟ ମୁହଁ ଖୋଲୁନାହାନ୍ତି l ଏଣେ ପୁଲିସ ସମ୍ପୃକ୍ତି ରହୁଥିବାରୁ ଏନେଇ ପୁଲିସ ମଧ୍ୟ କୌଣସି ସୂଚନା ଦେବାକୁ ମନା କରିଛି l ଗ୍ରାମବାସୀ ଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ, ସୋନପୁର ବିଧାୟକ ନିରଞ୍ଜନ ପୂଜାରୀ ଙ୍କ ପିଏସଓ ମନୋଜ ରାମପୁର ଠାରେ ବିଧାୟକ ଙ୍କ ସହିତ ରହିଥାନ୍ତି l ରାମପୁର ଠାରୁ ତାଙ୍କ ଘର ଚୁଲିମାଲ ମାତ୍ର 10 କିଲୋମିଟର ହୋଇଥିଲେ ହେଁ ବିଧାୟକଙ୍କ ସୁରକ୍ଷା ରେ ନିୟୋଜିତ ହୋଇଥିବାରୁ ସେ ସେଠାରେ ରହିଯାଉଥିଲେ ବୋଲି ଗ୍ରାମବାସୀ ପ୍ରକାଶ କରିଛନ୍ତ l ମଙ୍ଗଳବାର ଦିନ ମନୋଜ, ତାଙ୍କ କାକା ପୁଅ ଭାଇ ଶେଷଦେବ ଙ୍କ ସମେତ ଆଉ 4 ଜଣ ସାଙ୍ଗ ଙ୍କୁ ମିଶାଇ ମୋଟ 6 ଜଣ ଏକ ପାର୍ଟି ର ଆୟୋଜନ କରିବାକୁ ଯୋଜନା କରିଥିଲେ l ଯୋଜନା ମୁତାବକ ଗ୍ରାମରେ ଥିବା ଏକ କୁକୁଡ଼ା ଫାର୍ମ ନିକଟସ୍ଥ ଖୋଲା ପଡିଆ ରେ ଭୋଜି ହୋଇଥିଲା l ବର୍ଷା ଦିନ ହୋଇଥିବାରୁ ସେଠାରେ ରୋଷେଇ ନ କରି ବାହାରୁ ରନ୍ଧା ଖାଦ୍ୟ ଆଣି ଖାଇଥିଲେ l ପରେ ସନ୍ଧ୍ୟା ପ୍ରାୟ 5 .30 ସମୟ ରେ ଗ୍ରାମ ର ପଡିଆ ରେ ମନୋଜ ଓ ଶେଷଦେବ ଙ୍କ ରକ୍ତ ଜୁଡୁବୁଡୁ ମୃତ ଦେହ ପଡ଼ିଥିବା ଖବର ମିଳିଥିଲା l ଘଟଣା ଜଣାପଡିବା ପରେ ସେଠାରେ ଗ୍ରାମବାସୀଙ୍କ ଭିଡ଼ ଲାଗିଥିଲା l ଖବର ପାଇ ବିନିକା ପୁଲିସ ପହଂଚି ଏକ ଆମ୍ବୁଲାନ୍ସ ଯୋଗେ ଉଭୟ ଙ୍କୁ ରକ୍ତ ଜୁଡୁବୁଡୁ ଅବସ୍ଥା ରେ ଉଦ୍ଧାର କରି ସନ୍ଧ୍ୟା ପ୍ରାୟ 7 ଟା ସମୟ ରେ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ନେଇଥିଲେ l ଉଭୟ ଙ୍କ ମୁଣ୍ଡ ରେ ଗୁଳି ବାଜିଥିବା ବେଳେ ସେମାନେ ଘଟଣାସ୍ଥଳ ରେ ହିଁ ମୃତ୍ୟୁ ବରଣ କରିଥିଲେ l ଘଟଣା ସମ୍ପର୍କ ରେ ପୋଲିସ କୌଣସି ସୂଚନା ଦେବାକୁ ମନା କରିଦେଇଛି l ଏହି ଘଟଣା ରେ ଦୁଇ ଜଣଙ୍କୁ ଅଟକ ରଖି ପୁଲିସ ତଦନ୍ତ ଚଳାଇଛି l
ସୁବର୍ଣ୍ଣପୁର ଇପିଏ ରୁ ଉଗ୍ରସେନ କର୍ମୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
