ନୂଆପଡ଼ାରେ ଶସ୍ୟ ବିବିଧତା କ୍ଷେତ୍ର ପରିଦର୍ଶନ l
ସୁବର୍ଣ୍ଣପୁର –ନୁଆପଡା, ବୀରନରସିଂହପୁର ଗ୍ରାମ ପଞ୍ଚାୟତରେ, ବିଭିନ୍ନ ପ୍ରକାର ଫସଳ ଚାଷର ଉଦାହରଣ ଦେବାକୁ ନେଇ ଶ୍ରୀ ପୁର୍ଣଚନ୍ଦ୍ର ସାହୁଙ୍କ କ୍ରପ-ଡାଇଭର୍ସିଟି ବ୍ଲକ (CDB) କ୍ଷେତ୍ରରେ ଏକ କ୍ଷେତ୍ର ପ୍ରଦର୍ଶନ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମକୁ ଶ୍ରୀ ସିତାକାନ୍ତ ସାହୁ ଓ ଶ୍ରୀ ଅନ୍ନ ଅଭିୟାନ ସଦସ୍ୟମାନେ ସହଯୋଗ କରିଥିଲେ । ଏଥିରେ ତେଲବିଜ, ଡାଲି, ଧାନ, ମକା ଓ ବିଭିନ୍ନ ପ୍ରକାର ମାଣ୍ଡିଆ ସହିତ ଅନ୍ୟାନ୍ୟ ଫସଳର ଚାଷ ଦର୍ଶାଯାଇଥିଲା। ଏହି କାର୍ଯ୍ୟକ୍ରମରେ ବୀରନରାସିଂହପୁର ର SCGHSSର ପ୍ରାୟ ୮୦ ଜଣ ଛାତ୍ରଛାତ୍ରୀ,କୃଷି ବୈଜ୍ଞାନିକ ଡ଼ା. ମୟୁରୀ ସିଂହ ସର୍ଦାର, ଡ଼ା. ସମାପିକା ଦଳେଇ ଓ ହରଭଙ୍ଗା ବ୍ଲକର AAO ପ୍ୟାରିମୋହନ ପୁରୋହିତ ଅଂଶଗ୍ରହଣ କରିଥିଲେ। ଏହାକୁ ଏଲ୍ କେ ବି କେ ଅନୁଷ୍ଠାନ, ସରସରା ଓ ଶ୍ରୀ ଅନ୍ନ ଅଭିଯାନର କର୍ମଚାରୀମାନଙ୍କ ଦ୍ୱାରା ସମ୍ପାଦିତ କରାଯାଇଥିଲା। ଏହି କୃଷି ଶିକ୍ଷା କାର୍ଯ୍ୟକ୍ରମ କୃଷି ବିଜ୍ଞାନ କେନ୍ଦ୍ର, ବୌଦ୍ଧ,ଏଲ୍ କେ ବି କେ ଅନୁଷ୍ଠାନ , ସରସରା ଓ ଓୟୁଏଟି,ଭୁବନେଶ୍ୱରଙ୍କ ଯୁଗମ ପ୍ରୟାସରେ ଆୟୋଜନ କରାଯାଇଥିଲା ।
ଏହି କ୍ଷେତ୍ର ପ୍ରଦର୍ଶନରେ ମାଣ୍ଡିଆ ଭିତରୁ ବାଜରା, କୁଦୋ, କାଙ୍ଗୁ ମାଣ୍ଡିଆ, ସୁଆଁ , ଓ ଜହ୍ନା ର ଚାଷ ଦର୍ଶାଯାଇଥିଲା। ଏଥିସହ ଅନ୍ୟାନ୍ୟ ଫସଳ ସହିତ ସଂହତିରେ ଏଗୁଡ଼ିକର ଚାଷ କରାଯାଇଥିଲା। ଅଂଶଗ୍ରହୀମାନେ ଫସଲ ବିବିଧତାର ଲାଭ, ମାଟିର ଉପଜାଉଶୀଳତା ବୃଦ୍ଧି, ଓ ପରିବେଶ ସହିଷ୍ଣୁ କୃଷି ପ୍ରଣାଳୀ ସମ୍ବନ୍ଧୀତ ଜ୍ଞାନ ଅର୍ଜନ କଲେ। ଏହା ଛାତ୍ରଛାତ୍ରୀଙ୍କ ପାଇଁ ଏକ ହାତକାମ କୃଷି ଶିକ୍ଷା ଅନୁଭବ ହେବା ସହିତ ମାଣ୍ଡିଆ ଓ ଅନ୍ୟାନ୍ୟ ଫସଲର ଖାଦ୍ୟ ସୁରକ୍ଷା ଓ ପୌଷ୍ଟିକ ସ୍ୱାସ୍ଥ୍ୟରେ ଭୂମିକା ଉପରେ ଜୋର ଦେଲା।
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
