ଇଫକୋ ପାରାଦୀପ ୟୁନିଟ କୁ ସମ୍ମାନଜନକ ଗ୍ରୀନଟେକ୍ ଏନଭାଇରନମେଣ୍ଟ ଆୱାର୍ଡ

ପାରାଦୀପ, : ପରିବେଶ ସୁରକ୍ଷାରେ ଉଲ୍ଲେଖନୀୟ ସଫଳତା ପାଇଁ ଇଫକୋ ପାରାଦୀପ ୟୁନିଟ୍ କୁ ସମ୍ମାନଜନକ ଗ୍ରୀନଟେକ୍ ଏନଭାଇରନମେଣ୍ଟ ଆୱାର୍ଡ ୨୦୨୬ ପ୍ରଦାନ କରାଯାଇଛି l ଗତ ସେପ୍ଟେମ୍ବର ୧୦ ତାରିଖରେ ରାଜସ୍ଥାନର ଯୋଧପୁରରେ ୨୫ତମ ଗ୍ରୀନଟେକ୍ ପରିବେଶ ଏବଂ ସ୍ଥାୟୀତ୍ୱ ସମ୍ମିଳନୀ ୨୦୨୬ ଅବସରରେ ଇଫକୋ, ପାରାଦୀପକୁ ଏହି ପୁରସ୍କାର ପ୍ରଦାନ କରାଯାଇଥିଲା। ଇଫକୋ ପାରାଦୀପ ୟୁନିଟ୍ ମୁଖ୍ୟ ଏଭି ସିଂହଙ୍କ ପକ୍ଷରୁ ଡି.ମହାନ୍ତି, ମ୍ୟାନେଜର (ଇପିସି) ଓଏନଜିସି ଲିମିଟେଡର ପୂର୍ବତନ ନିର୍ଦ୍ଦେଶକ ବେଦ ପ୍ରକାଶ ମହାୱାରଙ୍କ ଠାରୁ ଏହି ପୁରସ୍କାର ଗ୍ରହଣ କରିଥିଲେ। ୟୁନିଟ ମୁଖ୍ୟ ଅନିରୁଦ୍ଧ ବିକ୍ରମ ସିଂହ ଏବଂ ଇଫକୋ ର ବରିଷ୍ଠ ମହାପ୍ରବନ୍ଧକ (ଉତ୍ପାଦନ) କେଆରଏନ ମୂର୍ତ୍ତି ଅନେକ ଆହ୍ୱାନକୁ ସଫଳତାର ସହିତ ମୁକାବିଲା କରି ଜାତୀୟ ଖାଦ୍ୟ ସୁରକ୍ଷାର ଏକ ବୃହତ କାରଣ ପାଇଁ ସର୍ବଦା କୃଷକମାନଙ୍କ ପ୍ରତି ପ୍ରତିବଦ୍ଧ ରହିଛନ୍ତି । ଏହିପରି ପୁରସ୍କାର ସମଗ୍ର ପାରାଦୀପ ଇଫକୋ ପରିବାର ଏବଂ ଏହାର ଅଂଶୀଦାରମାନଙ୍କ ପାଇଁ ଏକ ନୈତିକ ପ୍ରୋତ୍ସାହନ ସ୍ୱରୂପ କାର୍ଯ୍ୟ କରେ । ପରିଚାଳନା ନିର୍ଦ୍ଦେଶକ କେ.ଜେ. ପଟେଲଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱ ସହିତ, ଗତ ଛଅ ଦଶନ୍ଧି ଧରି ଇଫକୋ ଦେଶ ସେବା କରିଆସୁଛି ଏବଂ ବିଶ୍ୱର ସର୍ବବୃହତ ସମବାୟ ସମାଜରେ ପରିଣତ ହୋଇଛି।