ବିପୁଳ ପରିମାଣ ର ଗଞ୍ଜେଇ ଓ ମହୁଲି ପୋଚ ଜବତ l

ସୁବର୍ଣ୍ଣପୁର — ବିପୁଳ ପରିମାଣ ର ଗଞ୍ଜେଇ ଓ ମହୁଲି ପୋଚ ଜବତ ହୋଇଥିବା ସୂଚନା ମିଳିଛି l ମିଳିଥିବା ସୂଚନା ଅନୁସାରେ ତା. ୦୪.୦୫.୨୦୨୬ ରାତି ପ୍ରାୟ ୦୨.୦୦ ଟାରେ, ଉଲୁଣ୍ଡା ଥାନା ଅଧୀନସ୍ଥ ଗୁଜା ଗ୍ରାମରୁ ବେଆଇନ ଦେଶୀ ରନ୍ଧା ମହୁଲି ମଦ ଓ ଗଞ୍ଜେଇ ଚୋରା ଚାଲାଣ ସମ୍ପର୍କରେ ଗୁଇନ୍ଦା ସୂଚନା ଆଧାରରେ ସୁବର୍ଣ୍ଣପୁର ପୋଲିସ ଅଧୀକ୍ଷକଙ୍କ ନିର୍ଦ୍ଦେଶ ଅନୁଯାୟୀ ଆଇଆଇସି ଉଲୁଣ୍ଡା ଥାନା କର୍ମଚାରୀଙ୍କ ସହିତ ଗୁଜା ଗ୍ରାମକୁ ଯାଇଥିଲେ l ଅଭିଯୁକ୍ତଙ୍କ ବେଆଇନ ଚୋରା ଚାଲାଣ ହେବାକୁଥିବା ୦୧ କ୍ୱିଣ୍ଟାଲ ୫୮ କେଜି ୫୦୦ ଗ୍ରାମ ଗଞ୍ଜେଇ ଚିହ୍ନଟ କରି ଜବତ କରିଥିଲେ। ଏହା ପରେ ଏନଡିପିଏସ ଆଇନର ପ୍ରଚଳିତ ନିୟମ ଅନୁସାରେ ସାକ୍ଷୀ ଏବଂ କାର୍ଯ୍ୟନିର୍ବାହୀ ମାଜିଷ୍ଟ୍ରେଟଙ୍କ ଉପସ୍ଥିତିରେ ଉପରୋକ୍ତ ଗଞ୍ଜେଇ ଜବତ କରାଯାଇଥିଲା ଏବଂ ତଲାସୀ କରାଯାଇଥିଲା । ତଲାସୀ ସମୟରେ ମୋଟ ୦୭ ଟି ବଡ଼ ବ୍ୟାଗ ଚିହ୍ନଟ ହୋଇଥିଲା ।

ଉକ୍ତ ୦୭ ଟି ବଡ଼ ବ୍ୟାଗ ଖୋଲିବା ପରେ ପଲିଥିନରେ ଗୁଡ଼ାଯାଇଥିବା ୧୬୦ ଟି ଛୋଟ ପକେଟ ମିଳିଥିଲା । ସରକାରୀ ମୂଲ୍ୟାଙ୍କନ ଅନୁଯାୟୀ ଜବତ ଗଞ୍ଜେଇର ଆନୁମାନିକ ମୂଲ୍ୟ ୧୫,୮୫,୦୦୦ ଟଙ୍କା ହେବ l ଏ ସମ୍ପର୍କରେ Ulunda PS Case No.80 Dt.05.05.2026 U/s-20(b)(ii)(C) NDPS Act. ଅନୁଯାୟୀ ଏକ ମାମଲା ରୁଜୁ କରାଯାଇଛି ଏବଂ ଗଞ୍ଜେଇର ଉତ୍ସ ଏବଂ ଅପରାଧୀମାନଙ୍କ ବିଷୟରେ ଅଧିକ ତଥ୍ୟ ଖୋଜିବା ପାଇଁ ତଦନ୍ତ ଜାରି ରହିଛି। ସେହିପରି ଦେଶୀ ରନ୍ଧା ମହୁଲି ମଦ ପ୍ରସ୍ତୁତି କରୁଥିବାର ସୂଚନା ଆଧାରରେ ଆଇଆଇସି ଉଲୁଣ୍ଡା ଥାନା କର୍ମଚାରୀଙ୍କ ସହିତ ଅବକାରୀ ବିଭାଗର ଉପସ୍ଥିତିରେ ୨୦୦ ଲିଟର ଦେଶୀ ମହୁଳି ରନ୍ଧା ମଦ ଜବତ କରିଥିଲେ ଏବଂ ପ୍ରାୟ ୫୦୦୦ ଲିଟର ମହୁଲି ପୋଚ ନଷ୍ଟ କରିଥିଲେ । ଏହି ମାମଲାରେ ଜଣେ ଅଭିଯୁକ୍ତ ଶଙ୍କର କର୍ଣ୍ଣ ଙ୍କୁ ଅଟକ ରଖାଯାଇଛି ଏବଂ ଉଲୁଣ୍ଡା PS Case No.81 Dt.05.05.2026 U/s-52(a) ଓଡ଼ିଶା ଅବକାରୀ ଆଇନ ଅନୁଯାୟୀ ଏକ ମାମଲା ରୁଜୁ କରାଯାଇଛି ଏବଂ ଅଧିକ ତଦନ୍ତ ଚାଲିଛି ବୋଲି ସୂଚନା ମିଳିଛି lଏ ନେଇ ମଙ୍ଗଳବାର ସନ୍ଧ୍ୟା ରେ ସୁବର୍ଣ୍ଣପୁର ଜିଲ୍ଲା ପୋଲିସ ମୁଖ୍ୟାଳୟ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ବିଳନୀ ରେ ସୂଚନା ଦେଇଛନ୍ତି ଆରକ୍ଷୀ ଅଧିକ୍ଷକ ନାରାୟଣ ନାୟକ l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…